鋿晶館

Open Now

Now Closed

自己一直以來都好鍾意飲茶，以喺旺角，有質素嘅茶樓絕對唔少，但係好多時候都會用咗好多時間去等位、開茶位；但係來一間有茶餐廳特色嘅酒樓，食物質素依然保存得好好，而且好多嘢都更加方便快捷。店員好好招待，好快就為我哋開好咗茶位。我哋攞住點心紙，去揀自己鍾意食嘅點心。我首先叫咗一籠蝦餃，蝦餃嘅皮薄，內裏蝦肉非常大粒，而且好香，好鮮，很不錯。之後我哋叫咗一個黑松露北菇燒賣王，一嚟到嘅時候，燒賣非常大粒，而且加咗黑松露喺上面，令到豬肉嘅香氣變得更加突出，味道亦都更加立體。再之後我哋叫咗一盤酸菜魚，呢度嘅酸菜魚，你可以特別吩咐店員要幾難，我特別欣賞佢嘅魚，整得非常薄，完全朔晒湯汁，亦都好有鮮味。再之後，我哋叫咗一份煎釀青椒，青椒比較辣，魚肉煎得非常香。再之後我叫咗一份小籠包，小籠包嘅皮非常薄，而且肉質非常豐富，非常香口。再嚟就係一份牛肉球，牛肉球非常大粒，加上喼汁之後，酸味同埋肉味夾埋一齊，一啲都唔會油膩。完結嘅時候，叫咗一碟酸薑皮蛋，不錯。