稚內日式創作料理居酒屋 (Closed)

今日同幾個女仔朋友去花墟行下，之後我地想食日本菜，經過旺角警署對面，見到呢間新開既日本餐廳都蠻多人等位，就去試下啦 門口安排我地入座的侍應好好禮貌呀，仲有椅子比我地坐低，未有位望下餐牌先，佢好細心講解呀，又介紹啲菜式係乜、點製作，而家出面好少呢d服務lu 好快有位喇， 一入到店，裝修好舒服，好有日本居酒屋既feel，係我鐘意既style 雖然餐廳只有十多桌，但服務員都好似有成五個，環境都唔錯幾舒服，座位之間亦算寛闊，上菜速度合理，中間有時間吹吓水，又唔會趕人走咁 至於味道，我地幾個女仔都覺得樣樣都唔錯，尤其是刺身好新鮮，帶子好甜好肉地 食飽走喇.....出到門口才見到玻璃門貼住都市日報的採訪，主廚曾在澳門的Robuchon a Galera學習法國菜，他們除用料新鮮外，烹調方法也不馬虎...... 真係一間有誠意的日本料理， 質素媲美高級西餐廳出品的Fine Dining菜式，值得大家一試，尤其係服務好，唔會掃大家興，我地已約好下星期再去呀