上海老家 (Closed)

香港雖然好多間上海菜餐廳，但要搵間正宗嘅其實好難，因為疫情關係冇得飛，都好耐冇食過上海菜啦。朋友介紹，呢間上海菜餐廳非常正宗而且價錢又平，咁就一於嚟試吓啦。呢度嘅裝修雖然普通但夠晒乾淨舒服，雖然係平日但已經有唔少客人，黎嘅話就要記住book枱先啦。侍應介紹呢度嘅酸菜魚好好食，咁就一定要試吓啦。一上枱，真係估唔到咁大碗，而且飲落個湯底非常鮮味又濃郁，啲魚片仲要唔係平價嘅魚柳，食得出係新鮮嘅魚片。佢嘅味道唔係泰勒，酸酸地好開胃，啱晒送飯。我哋仲叫咗個雲吞，我覺得都係非常值得推介嘅。因為佢嘅皮夠晒薄，而且餡料好夠，入面唔會有肥豬肉，但係又非常咁香口，仲好食過出面專食雲吞餃子嘅舖頭啊。甜品方面，我哋叫咗個桂花酒釀丸子，食落非常正宗啊。喺香港好少食到呢陣味，佢唔會太甜，而且好香桂花味，啱晒女士食。呢間上海菜果然十分正宗，而且價錢仲好抵食添。雖然呢度唔算特別方便，但下次都會再特登嚟啊。