北角四眼妹美食屋 (Closed)

忙左成個九月今日終於可以約老婆出街食飯一啲好嘢。今日約咗老婆去北角掃街。呢度有幾多唔同嘅小食有香港特色嘅咖喱魚蛋豬皮蘿蔔，牛丸燒賣，仲有好多款味道嘅雞蛋仔同埋格仔餅。雞蛋仔仲可以加$3配唔同嘅餡料係雞蛋仔裏面。正我就揀咗一個朱古力味雞蛋仔加黑朱古力配料，老婆就揀咗一個抹茶味格仔餅陪開心果醬。朱古力雞蛋仔好味，比平時去開嘅雞蛋仔連鎖店更為優勝，餡料十足！抹茶味格仔餅亦都非常之好食尤其是加了開心果醬，開心果醬裏面仲有開心果肉，口感同味道一流。最後我哋仲叫咗一個咖喱魚蛋加自家製豆漿嘅組合。豆漿係新鮮自家製，非常好味。