元朗食黎食去都係個幾條街，所以今次肥佬揸fit話去商場食飯。但估唔到今次非常有驚喜！原來商場入邊都有質素較好的日本菜。今餐食咗好多野兩位食得之人都非常滿足。
餐廳餐牌由小食沙律刺身串燒到主食選擇到非常多。
玉子刺身，喜歡食玉子既朋友唔好錯過，因為雪凍左既關係口感唔同平時食既玉子，札實好多，味道又唔會只有甜味!
炸軟殻蟹沙舞律，唔會期望好特別，但蟹係新鮮炸，好脆口，沙律菜是凍，加埋個酸酸甜甜既汁好有誠意
而e個刺身沙律就更精彩！係必叫，同行朋友仲想叫多碟！刺身非常新鮮！帶子甜蝦同章紅都好好好鮮甜！唔會有「林papa」唔新鮮既感覺。加埋黑松露既香氣，入口鮮甜得黎唔會咁「掛」。夏天喜歡fresh d 既可以配埋佢個酸酸甜甜既沙律醋！重點係價錢好平，所以性價比高！個人推薦必食！
肥佬要食飯，所以叫左壽司比佢滿足下！黑松露甜蝦卷同埋辣吞拿魚腩卷。前者一定無輸，因為剛剛沙律既甜蝦非常新鮮！不過今次係將d甜蝦整碎佈滿壽司卷上面。同平時食既甜蝦卷多多一個口感。中間有蝦有牛油牛。牛油果剛好熟透，所以令到食落去多一份好滑既感覺。加埋黑松露既香味層次比出面食到既甜蝦卷或者炸蝦卷豐富。
至於後者可能遜色少少，壽司會跟埋辣沙律醬，但個今覺得個醬太重味蓋左吞拿魚腩本身既味道。但值得一提既係師傅用料唔手軟！每件都塞滿魚肉！
到本人最期待既串燒，全部都係熱辣辣上台，店員都會細心提供唔同既鹽（海鹽，枺茶鹽同埋咖哩鹽）
免治雞肉，火喉夠，外面燒到少少脆身，香口，一定要加埋蛋汁，個人覺得串燒調味較少同單調，要靠其他調味令到食材既味道更突出！好肉免治雞肉咁，加左蛋醬會加多左滑滑既感覺，蛋本身新鮮，蛋香夠，為簡單既免治雞肉多多份蛋香。
雞肉大蔥，個人覺得燒得乾左少少，可以輕手少少。味道唔太特別。
青芥牛肉粒，牛肉可能較厚身，所以唔會太乾身！仲間少少粉紅，牛味重肉身夠林同埋夠油份。加埋海鹽非常正！
鵝肝釀雞翼，驚喜！脹卜卜因爲入便釀入左勁多鵝肝，因為鵝肝本身油份重，令到燒到脆身既雞肉唔覺鞋！加埋較滑既口感大滿足！
梅子茶漬飯，食完咁濃味既野食返個清爽少少既飯！可惜梅子味唔夠突出，但茶味香，唔錯！
到今日既結尾並且係非常滿足既一個推介。
海膽+蟹肉+蟹子仲有濃濃既蟹膏伴飯！
到今日既結尾並且係非常滿足既一個推介。
海膽+蟹肉+蟹子仲有濃濃既蟹膏伴飯！
濃！蟹肉甜，海膽更甜！加埋蟹子爽脆既口感，好正！而且用料唔手軟！飯粒軟糯加上微微既飯焦！因為所有用料都比較軟身，飯焦令到成件事更精彩。
個人會推介必點這個！但要注意份量因為都會有少少「利」既感覺！
元朗除咗小店原來商場都有好多好餐廳下次去元朗又多個選擇！
