入到去店入面， 店面的確好細 ，全店只有兩位員工 同兩張枱 。餐牌非常簡單，只有四種選擇 ：其實只係得一種就係蛋包飯 …但係有兩款汁可以揀： 自製咖哩汁或者係黑松露忌廉汁，同埋四款嘅配菜 。
落咗單就畀咗錢先， 等咗十分鐘到， 其實都算幾耐… 食物送到喇 。賣相非常之精緻， 睇得出係有心機排嘅。 扭紋蛋包飯的確整得好靚。 黑松露忌廉汁亦的確好香 。雞扒就一般般 。蛋包飯配忌廉汁十分十分好食 ，一啖飯加一啖汁好快就食曬。 汁嘅份量一開始以為太多 ，最後竟然係啱啱好！
睇店嘅裝修都可以知道呢間餐廳 係好用心經營嘅， 而且都好細心咁準備咗廁紙畀客人。 最後店員哥哥仲送咗一份泡芙畀我食 ，十分窩心大家一定要支持！
