鳴門魚市場居酒屋 (Closed)

自己一直都非常鍾意食壽司，但疫情期間，就真係冇咩時間可以糖食，而且呢段時間好多壽司舖都做緊半價優惠，所以就決定搵一晚去食一食。旺角火車站附近有呢一間嘅壽司舖，我行街之後就決定搭火車之前順便去呢度買一個晚餐。本來一個晚餐接近$600 ，但係半價左之後， $300就有找，而且冇加一服務費。店員亦都非常親切，非常有耐心。我自己就食咗一個黑松露牛油果沙律，呢個沙律非常新鮮，再加埋黑松露，令到成份沙律都非常好食，而且非常健康，沙律裏面有醋，升級了黑松露的香味。之後就叫咗一個壽司，我揀咗有鵝肝壽司、三文魚子壽司、吞拿魚壽司、三文魚壽司、蟹膏壽司、同埋鰻魚壽司。呢度嘅壽司非常新鮮，而且餐廳一啲都冇因為半價而偷工減料，依然食得出係非常非常高質。特別想提嘅係佢嘅三文魚子壽司，三文魚子大大粒，而且一啲腥味都冇。中拖羅壽司亦都令我眼前一亮，入口即溶。去到熟食部份，佢嘅炸雞非常新鮮，即叫即炸。赤蝦同埋三文魚刺身亦都好新鮮。