鳳城皇宴 (Closed)

而家度度都有蒸汽窩食，我都食過唔少放題有得食，今次有朋友介紹呢間酒家有蒸汽窩食，又試下同日式既有咩唔同先。睇餐牌已經好吸引。黎到我都嘩一聲，好靚啊!第一層個龍蝦好鮮甜好有肉，用左蒜泥去調味，我覺得好足夠，已經唔使點醬料。第二層係龍躉，D魚肉好滑，亦好少幼鱗，，正!第三層有蟶子，好大條入口爽脆既蟶子呀，一啖你食唔晒架。第四層有超大粒帶子，面頭舖滿粉絲和生熟蒜，我鐘意食。第五層係蜆，D蜆大粒，爽口之餘，絕對無沙架。食到呢度已經好飽，但係個粥既香味，令我又可以再開動，呢個係淮山弼底，D弼滲滿左海鮮既味道，但又唔會搶左淮山味。