Video
Read full review
2019-12-02
648 views
知道MOKO有間台式火鍋開左冇幾耐，一路都想黎試下!呢晚終於有機會啦!!! 一入座店員都布提到用餐時間有兩個鐘,同埋店員仲有好好咁簡介下D乾、濕紙巾、牙簽既位置! 同埋放底埋圍裙俾我地,咁食個陣就安心唔驚彈到件衫!!!! 我地睇左餐牌好耐諗緊揀咩湯底~~~店員好細心提我地落好左個湯底再慢慢揀食咩,因為個湯底都要D 時間去準備!我地最後揀左紅顏花膠雞鍋! 呢個湯真係不得了!上個陣杰杰地,店員叫我地飲番兩碗先加湯! 湯底有好多雞粒、鮑魚仔、菇、當然唔少得就係有花膠啦!!! 我地飲左兩碗,真係好正好重雞味!唔係出面D味精湯底!我地制止住自己唔好再飲第3碗,因為再飲唔駛食!!! 因為個湯比較杰既關係,我地又唔係即刻加湯,店員都好好係隔離幫我地搞住個湯底等佢唔好痴底! 我地就慢慢嘆個湯! 服務真係超好!!! 跟住到醬料方面, 餐廳入面有個自助醬料區，牆上都貼左唔同野食可以混唔同既醬再夾既野食既味道!醬料有超多選擇!!! 見到都想混多幾款再拎番去!!! 店員見到我混左兩款之後主動幫我拎埋番位等我再繼續拎其他野食,真係細心到我都有D唔好意思~~~拎醬料既位置仲有生果可以拎~分別有蕃茄仔、西瓜同哈蜜瓜
一入座店員都布提到用餐時間有兩個鐘,同埋店員仲有好好咁簡介下D乾、濕紙巾、牙簽既位置! 同埋放底埋圍裙俾我地,咁食個陣就安心唔驚彈到件衫!!!!
我地睇左餐牌好耐諗緊揀咩湯底~~~店員好細心提我地落好左個湯底再慢慢揀食咩,因為個湯底都要D 時間去準備!我地最後揀左紅顏花膠雞鍋! 呢個湯真係不得了!上個陣杰杰地,店員叫我地飲番兩碗先加湯! 湯底有好多雞粒、鮑魚仔、菇、當然唔少得就係有花膠啦!!! 我地飲左兩碗,真係好正好重雞味!唔係出面D味精湯底!我地制止住自己唔好再飲第3碗,因為再飲唔駛食!!! 因為個湯比較杰既關係,我地又唔係即刻加湯,店員都好好係隔離幫我地搞住個湯底等佢唔好痴底! 我地就慢慢嘆個湯! 服務真係超好!!!
跟住到醬料方面, 餐廳入面有個自助醬料區，牆上都貼左唔同野食可以混唔同既醬再夾既野食既味道!醬料有超多選擇!!! 見到都想混多幾款再拎番去!!! 店員見到我混左兩款之後主動幫我拎埋番位等我再繼續拎其他野食,真係細心到我都有D唔好意思~~~拎醬料既位置仲有生果可以拎~分別有蕃茄仔、西瓜同哈蜜瓜~~~ 仲有一兜白飯任裝~~~~!
我地本身揀湯底個陣有諗過要兩隻味,因為見佢寫住叫麻辣鍋既話鴨血同豆腐係任添~不過諗諗下都食唔到好多,散叫可能仲好~ 但問到店員想散叫鴨升個陣原來佢地冇散叫,因為鴨血係用麻辣鍋湯底製成~ 佢地都擔心鴨升放左什我地個鍋會污染左個湯底變左麻辣味~ 店員就話可以拎D鴨血同豆腐俾我地試下~~~ 最後係我地冇任何催促既情況下店員都真係有拎到D鴨升同豆腐俾我地,仲要係我地食完隔左冇十分鐘問我地駛唔駛添D! 嘩! 今時今日咁既服務態度真係好少見!!!! 真係去台灣先會有! 呢點真係令人非常之欣賞! 最後走仲俾左盒鴨升同豆腐俾我地再番去試下! 仲問我地一盒夠唔夠! 真係1000分!!!!
另外值得一提係佢既醬料費都好平,19蚊一位仲送埋餐中沙冰同埋餐後食既梅子果凍~~~兩者都係解油滯感一流!!!! 你唔駛催佢送,因為店員係會係適當既時間送上! 兩者味道都好好, 以送黎講真係好味我好誇張!
另外仲要讚下佢送既熱桂花茶! 茶味夠哂濃郁芬芳! 有呢款茶飲其實都唔駛叫其他野飲, 但見到D 珍珠奶茶咁正又想試下~ 其實都真係幾抵! 30$ 有660ML! 我地梗係叫左大杯share 黎飲! 我地叫左大紅袍珍珠奶茶~ 茶味夠哂香濃!!! 珍珠係細粒個d, 都真係落足本有勁多粒!!!! 一個人飲會勁飽!!!
跟住我地仲叫左牛板腱、和牛粒、松茸菇海鮮滑、墨魚仔、扇貝、白蝦、蟶子、排骨酥、墨魚仔同皇帝菜!
牛板腱、和牛粒: 呢兩款牛肉都好重牛味! 牛板腱底下仲墊左d菜! 可以整埋黎食唔好哂!和牛粒比較大粒要耐少少先熟~ 油脂味勁香….諗起都想再食~
海鮮類: 最好食係扇貝~68$有4大粒! 夠哂鮮味! 其他都唔錯! 蝦夠彈牙! 蟶子有幾粒未吐乾淨沙扣左少少分~~ 墨魚仔夠哂彈牙同新鮮! 必點!
松茸菇海鮮滑:勁香菇味!!!!!! 店員好細心咁幫我地落左一半,之後keep 住黎睇駛唔駛幫我地落埋淨低一半!
排骨酥: 點准鹽食勁岩味!!!! 又夠脆!!!
皇帝菜: 夠哂新鮮!!! 唔好落咁耐因為個莖位仲爽脆先好食!!!!
已經想再encore!!!!!
Post
