SEDAP惹味馬拉 (Closed)

屯門嘅大型商場，終於有間有規模又好食嘅星馬菜。呢間舖兩日前先開張，今日下晝我就同一班朋友去食午飯。間舖既裝修，牆身，枱同櫈都好有東南亞風味. 餐單款式極多，我地一行七人，就叫咗十多款食物。 全部賣相，份量和味道都好好。尤其係海南雞，雞皮雞肉都非常滑。胡椒蝦則非常惹味，炸得好透，連蝦頭都食到嗰種。肉骨茶非常多料，有五花腩肉，排骨和豬肚，亦好有藥材味。串燒選擇亦很多，除豬牛雞外，亦有羊可供選擇。特別推介係老鼠粉，類似中國既銀針粉，但較軟身，加埋生雞蛋，真係非常滑溜，一定一定要試。