極．大瀛喜

Open Now

Now Closed

呢間新開嘅放題餐廳真係抵食又抵玩，選擇多到數唔晒，啱晒一班friend仔或者屋企人一齊嚟大快朵頤。佢哋有一個全港獨家嘅Nutella醬機係自助區，真係好特別，好適合甜品控，Nutella愛好者一定要試！藍鰭吞拿魚刺身呢款藍鰭吞拿魚刺身真係鮮甜到爆燈，魚肉肥美又入口即化，好似融喺口腔入面咁。刺身切得夠厚切，咬落有滿足感，唔會硬晒，好新鮮，刺身控一定會愛上！油鹽焗大頭蝦大頭蝦用油鹽焗得超香，蝦肉保持彈牙嘅口感，鮮味十足，調味唔會搶走蝦嘅原本甘甜，好啱晒鍾意蝦嘅朋友。而且份量十足，每隻蝦都新鮮飽滿，好有滿足感。甘鯛立鱗燒伴黑松露忌廉汁甘鯛立鱗燒真係必試！魚皮燒得香脆，肉質嫩滑鮮美，加埋黑松露忌廉汁嘅香氣，味道層次豐富又有深度。忌廉汁唔會太膩，令整體味道更加平衡同有格調。金銀蒜蓉粉絲蒸蟶子皇蟶子皇蒸得剛剛好，肉質鮮甜滑溜冇腥味。粉絲吸收晒金銀蒜蓉嘅香味，每一啖都充滿蒜蓉嘅濃郁香氣，成碟香氣四溢，好適合鍾意濃味蒜蓉嘅食客。