十兄弟車仔麵 (Closed)

我係灣仔返工，同事話十兄弟食車仔麵非常好食😋於是就趁lunch嘅時候就帶咗我去食啦！我本身好鍾意食牛嘅咁就叫咗個柱侯四寶麵，啲餸全部都係我鍾意食㗎， 有五香金錢肚，濃汁牛丸，牛坑腩，同埋牛孖根，全部都煮得好冧唔會話好難咬！而啲麵都煮得好彈牙！而我嘅同事都係照食返佢嘅食神嗱喳麵！佢話食過咁多次份量依然都係好足料，有醬爆瀨尿牛丸，香辣魷魚🦑香辣豬紅，蘿蔔鮑，汁魚肚，佢話好味到次次都會飲晒啲湯汁！我哋最後重點左個香辣玻璃魷魚🦑玻璃魷魚真係好似佢個名咁樣，好有光澤同唔硬，好滑嘟嘟！我哋仲食咗個香炸墨魚丸，墨魚丸好大粒同非常之好食😋