Video
Read full review
2020-06-09
862 views
香港其實好少專門食印尼菜嘅餐廳，可能因為受眾實在太少。好唔容易先至喺糖街搵到呢間餐廳，佢雖然係印尼正宗嘅菜式，但係亦都糅合左香港本土風味，所以啲菜都好啱胃口。我其實係想食佢嘅花膠湯麵🍜，然後發現佢個菜單有好多款可以選擇，我就揀咗個雞烏冬，花膠湯。啲雞來時非常滑，係黃油雞，非常新鮮，而且啲雞油配埋雞肉一齊食，就冇咁乾爭爭，反而覺得非常Juicy。之後我試左佢嘅串燒，特別揀咗係鱔，想睇吓佢嘅串燒同埋日本餐廳嘅鰻魚串有咩分別。結果發現，佢嘅鱔係比較多骨，但外皮就真係烤得比較好同脆，最重要係配埋佢嘅特色沙嗲醬，甜得來亦有花生，一啲都唔辣，所以真係唔怕一點再點。再之後就係佢嘅炒芽菜，呢一款芽菜同我哋平時喺餐廳食嘅好唔同，除咗佢嘅芽菜比較大粒，比較圓身之外，更重要係佢用咗啲酸酸地嘅汁去炒，所以係會零舍開胃。我最後叫咗佢杯印尼咖啡冰，開頭以為呢杯野會好甜，但其實發現一啲都唔甜，因為佢將糖漿放到落去杯嘅最底部，咖啡同埋奶就係面層，所以如果飲管唔飲到啲糖漿嘅話，就一啲都唔會太甜，相反，其實個甜度可以自己控制。我會比呢間餐廳幾高分下。
好唔容易先至喺糖街搵到呢間餐廳，佢雖然係印尼正宗嘅菜式，但係亦都糅合左香港本土風味，所以啲菜都好啱胃口。
我其實係想食佢嘅花膠湯麵🍜，然後發現佢個菜單有好多款可以選擇，我就揀咗個雞烏冬，花膠湯。
啲雞來時非常滑，係黃油雞，非常新鮮，而且啲雞油配埋雞肉一齊食，就冇咁乾爭爭，反而覺得非常Juicy。
之後我試左佢嘅串燒，特別揀咗係鱔，想睇吓佢嘅串燒同埋日本餐廳嘅鰻魚串有咩分別。
結果發現，佢嘅鱔係比較多骨，但外皮就真係烤得比較好同脆，最重要係配埋佢嘅特色沙嗲醬，甜得來亦有花生，一啲都唔辣，所以真係唔怕一點再點。
再之後就係佢嘅炒芽菜，呢一款芽菜同我哋平時喺餐廳食嘅好唔同，除咗佢嘅芽菜比較大粒，比較圓身之外，更重要係佢用咗啲酸酸地嘅汁去炒，所以係會零舍開胃。
我最後叫咗佢杯印尼咖啡冰，開頭以為呢杯野會好甜，但其實發現一啲都唔甜，因為佢將糖漿放到落去杯嘅最底部，咖啡同埋奶就係面層，所以如果飲管唔飲到啲糖漿嘅話，就一啲都唔會太甜，相反，其實個甜度可以自己控制。
我會比呢間餐廳幾高分下。
Post
