文華饕記 (Closed)

首先，外賣等左 45 分鐘，人唔算好多，出品真係好慢。不過，等耐啲都係小問題。問題係盒飯比既全部都係瘦叉 ( 非常瘦，好柴 )，比既豉油亦好少，非常dry。而且每舊都斬得好大，咬到咀嚼肌都攰。當你以為個餐夠膽叫做暗然銷魂飯，會有返少少質素，點知完全係冇。食神入面個暗然銷魂飯有幾好食，呢個就有幾難食，食得出係完全冇心做。外賣自取係 $59.2 連凍飲，我會行遠少少，紅磡大把更好既選擇。附上一張食到最後食唔哂既圖。