晚上7點多，相比鄰舖，食既人較少，基本上不用等位可以直接入座。帶位經理每次帶人均小心提醒 “只收八達通” (外賣一樣!) ，有時心想如果只有現金在手你係咪真係唔俾我食先??
我們一行2人坐圓枱，就開始睇部機點玩。大致操作幾簡單，螢幕下面有指示，先選語言，坐位 (侍應話已經亂左，隨便選個位都得)，入去主餐牌後最上一行有不同地方食物，選好再選飲品，最後用八達通 “o都” 完成! 唔識都唔使愁，職員好樂意講解同幫你按機下單的。
除左車仔面，仲有台灣、新加坡、日本食物 --- 唔好太大期望，事關每個國家只有1-3款食物
， (例如日本，只有义燒拉麵! 新加坡有3款 “啦沙” ) 真係 “歎為觀止”…. 
我們選了常餐同四寶車仔麵加一餸：
常餐 (食完先醒起未影….下次補番)- 算係店中抵食既一個餐，1款炒蛋/煎蛋/腸 + 多士 + 粟米QQ 粉 (螺絲粉) + 熱飲/ 汽水，凍飲都只加$3。我們選了鮮奶炒蛋，但感覺唔到鮮奶味，也沒有加入鮮奶的嫩滑口感，同普通炒蛋無分別 (好似仲有d over-cook tim)。QQ 粉可能講緊個size--- 約酒樓一碗飯咁大，男生未必夠飽。
四寶車仔麵- 已set好羅白、豬紅、雞翼、豬皮，餸冇得轉，另自選麵底。揀左加辣汁，但微微辣咋。麵底算ok，幾多選擇。羅白軟硬度剛剛好，但略嫌淡口，未夠入味。豬紅又咸又硬--- 用筷子夾都唔散! 我另加了咖哩魷魚，感覺汁還汁，魷魚還魷魚…. 加埋凍飲 $9，咁就食左40大元……
整體感覺來說，環境、服務幾好都無用，食物真係有好好好大改善空間：
~ 既然主打車仔麵，無理由只會有四寶同六寶俾人點lor (仲要已經定好咩餸)
，完全無散叫/ 自己點餸
，車仔麵既精髓係自己選餸 + 選麵底 + 選湯底 (連腩汁都無!) --- 鐘意點拼都得ga!!!
~ 其他國家食物少到不得了….既然俾人選，唔該你提供多d 選擇啦
….做唔黎既，寧願你cut 左佢專心做好車仔麵把啦!
