Video
Read full review
2023-04-06
72 views
屋企人約去大角咀食雞煲，都係諗住麻辣嗰隻，點知有啲驚喜。火滾安哥雞煲酒館，標榜全部用新鮮雞製作，有3款主打：火焰海鮮雞煲、椰子雞鍋、花膠魚肚鮮雞鍋，我覺得有啲養生鍋feel，都幾啱女士食。餐廳裝修好新淨，木牆身木椅子，配上墨綠色梳化，光亮整潔。◉二人套餐 $398套餐已經包咗雞煲、雜錦拼盤同埋蔬菜盤，好抵食，加$98仲有2杯大生啤，啱晒鍾意啤一啤嘅朋友。店員友善，好細心幫我哋烹調，有得睇又有得食。⦿火焰海鮮雞煲 (例)店員將米酒同花雕加入雞煲，冚蓋滾起，再喺煲邊點上火焰燒一燒，一開蓋花雕酒香連同蒸氣散晒出嚟，首先飲啖湯，勁清甜，滲出淡淡雞酒味，有竹蔗、馬蹄、蟲草花去煲。先食蝦，豬潤同沙白，雞肉再浸多陣。蝦同沙白都大隻新鮮，蝦肉爽口。豬膶新鮮大件，口感爽嫩，細妹就好鍾意食，以唔係好食內臟嘅我都覺得唔錯，無腥味。新鮮雞同冰鮮雞食出嚟嘅味道真係好唔同，雞鮮味，肉味濃，肉質緊致有彈性。食到差唔多就會加上湯開始打邊爐。⦿雜錦拼盤 (二人份量)先落豬皮，等佢慢慢吸收晒啲湯汁，牛丸咬開有肉汁，唔係雪到無味嗰隻。白魚蛋由魚肉打成，魚味重，質感較軟腍。手切牛肉淥一淥就可以，牛味濃有嚼勁。⦿時令鮮菜盤 (
火焰海鮮雞煲 (例)
6 views
0 likes
0 comments
◉二人套餐 $398
套餐已經包咗雞煲、雜錦拼盤同埋蔬菜盤，好抵食，加$98仲有2杯大生啤，啱晒鍾意啤一啤嘅朋友。店員友善，好細心幫我哋烹調，有得睇又有得食。
⦿火焰海鮮雞煲 (例)
店員將米酒同花雕加入雞煲，冚蓋滾起，再喺煲邊點上火焰燒一燒，一開蓋花雕酒香連同蒸氣散晒出嚟，首先飲啖湯，勁清甜，滲出淡淡雞酒味，有竹蔗、馬蹄、蟲草花去煲。
先食蝦，豬潤同沙白，雞肉再浸多陣。蝦同沙白都大隻新鮮，蝦肉爽口。豬膶新鮮大件，口感爽嫩，細妹就好鍾意食，以唔係好食內臟嘅我都覺得唔錯，無腥味。新鮮雞同冰鮮雞食出嚟嘅味道真係好唔同，雞鮮味，肉味濃，肉質緊致有彈性。食到差唔多就會加上湯開始打邊爐。
雜錦拼盤、 時令鮮菜盤 (二人份量)
15 views
0 likes
0 comments
⦿雜錦拼盤 (二人份量)
先落豬皮，等佢慢慢吸收晒啲湯汁，牛丸咬開有肉汁，唔係雪到無味嗰隻。白魚蛋由魚肉打成，魚味重，質感較軟腍。手切牛肉淥一淥就可以，牛味濃有嚼勁。
⦿時令鮮菜盤 (二人份量)
有生菜、娃娃菜，粟米好甜。
特級鵝腸皇
3 views
0 likes
0 comments
◉特級鵝腸皇 $98
打邊爐必點新鮮鵝腸，每條都有少少肥膏黐住，唔好淥得太耐，脆口肥美，份量都多。
大杯檸檬可樂
2 views
0 likes
0 comments
◉大杯檸檬可樂 $38
夠晒大杯，打邊爐飲大大杯汽水最開心。
餐廳除咗雞煲，原來燒烤都好耍家，9點後入座全單88折，仲有個生啤燒烤套餐，好抵食$288已經有三種燒烤同埋兩杯生啤，仲可以同朋友傾吓食吓到凌晨兩點，下次我一定要嚟食宵夜。
燒馬友魚一夜干
1 views
0 likes
0 comments
◉燒馬友魚一夜干 $168
廚師將原條馬友調味後再風乾一夜攞去燒，馬友油脂豐富，燒完出嚟好香，魚皮香脆，肉質嫩滑，比鮮魚多一份鹹鮮，唧埋檸檬汁，蘸上日式醬汁提鮮，味道一流無得輸，推介之選。
鹽燒牛舌心芯
5 views
0 likes
0 comments
◉鹽燒牛舌心芯 $88
牛舌芯大件厚身，撒上鹽同黑胡椒去燒，表面面焦香，咬開軟嫩爽口，牛味濃。
#火滾安哥雞煲酒館地址：大角咀界限街4-10號福群大廈地下4號舖
Post
