忠仔麵 (良景廣場)

Open Now

Now Closed

近日聽唔少街坊推介，所以慕名而來，果然水準不錯。環境：唔算好大，但都坐得舒服，尤其我慣常獨食，佢地有唔少孤獨位好唔錯，唯一好似我呢d 腰骨唔好嘅，因孤獨位嘅楛冇背，所以今次我揀有背牆可以靠吓嘅位，另外加分，因本人係鏡粉，全場超多鏡仔物品。服務：幾位店員都好好禮貌，反應快，做野快，真係要讚。食物：我係鍾意樣樣有少少嘅人，呢到有幾款雜錦餐就最啱我。當中今次最正係大腸同牛肋條，夠林又唔會有好大騷味，蘿蔔差少少，有根。我今次要咗撈米粉底，份量足，最後食唔哂，店員姐姐推介辣醬，我唔食得辣，所以試bb 辣，雖然都真係辣咗d,但成碗米粉都升華，好辣人士值得一試，仲可配飲品。總括係可以番頭嘅一間小店。