Cafe MOME

嚟到粉嶺都有啲咁靚嘅西餐廳，啱哂最鍾意食嘢打卡嘅我，環境都幾舒服，服務員好有禮貌。香脆小食拼盤啱啱好夠我哋兩個人食每人少少唔會過飽。煙三文牛油果手工貝果，個貝果好似係自家制，牛油果加埋煙三文魚個味道真係好匹配，仲有生菜同埋沙律汁整件事加埋嘅味道好好。自家製牛肉漢堡滑蛋，個名已經講咗嗰個牛肉漢堡係師父親手打出嚟，所以冇凍肉即食品嘅雪味。熱情果夢幻呢杯飲品酸酸甜甜夏天真係好啱飲，在加杯ice mocha夠醒神。