，去到睇先知佢係京川滬菜，一般菜式都會有 :小籠包、擔擔麵.......
呢間餐廳係荔枝角地鐵D2出口行出轉左一去到尾就見到佢個大大門口架啦，地點都算方便。因為我去之前打左電話問有冇位先出發(之前試過打去話FULL左)，所以一去到就有位，環境同座位都幾好，幾幽雅，又唔會太嘈，去到果時大約11:30AM，都坐左1/3枱左右，可惜無卡位座。
大家可以睇下張宣傳單張同埋點心紙，大約有24款點心選擇，一般大路野都會有：紅油抄手、雞絲粉皮、小籠包...
咁我總共ORDER左4次左右，首先叫左野飲同熱食先，之後包點，煎炸野，最後甜品。
野飲同熱食：薏米水
唔會太甜。小籠包、酸菜豬肚另外餃類都可以一試
包點：我只叫左奶黃包(怕食唔曬會浪費食物所以只ORDER一款)
這個超級喜歡，一咬D奶黃就標出黎，好好味
煎炸野：椒鹽魷魚鬚
魷魚唔會太"韌"
其他：鮑魚叉燒酥
真係有鮑魚係裡面
個酥皮整得麻麻地
甜品：見到相就知道我叫左擋沙湯丸同桂花糕，因為我個人非常仲意擋沙湯丸(以家唔係好多地方有得食)
佢個芝麻餡真係好好味呀，但係個桂花糕就完全唔OK，一D味都無，我已經係先食左桂花糕先(怕擋沙湯丸太甜蓋過味道)，可以唔試
總結：價錢方面真係見仁見智，$170/人食90分鐘(已計加一及茶芥)，我個人就覺得可接受，環境同服務加埋食物水準，都真係好難搵一般茶樓同點心店同佢比較，如果單睇價錢相信都唔會揀佢了！
1
1
