正好試下外賣明明, 之前夜晚試過堂食, 都係時候重溫一下個味道.
與一般車仔餸唔同, 有自家製既蒜辣雞翼尖、甜酸齋、糖心滷蛋同南乳豬手, 哩D都係比較少見, 當然都要試返車仔麵既常客, 豬大腸同蘿蔔.
大腸既通乾淨左, 亦都醃得好夠味又淋身.,
蘿蔔居然係清甜既, 唔似出面用糖水浸到入味, 完全係自身既味道, 既無渣, 淡口得黎, 帶少許清甜味.
蒜辣雞翼尖有少少辣, 蒜味亦好濃, 唔食得辣既就可能會頂唔住.
糖心滷蛋唔會滷得好咸, 仍然保有蛋香味, 重點入面仲係流心.
甜酸齋真係齋舖入面既味道, 因為某間車仔麵舖亦有哩款餸提供, 但係就會似炸過龍既豆卜咁, 食落較油膩, 但係明明既就唔會, 酸味令胃口更好.
平時唔會食咖喱魷魚既我, 久聞明明製既係好好味, 所以我都嘗試下, 果然係整得非常淋, 咖喱好入味, 唔會有水魷既味道.
