安平燒肉

Open Now

Now Closed

提到燒肉放題，好多人會諗起牛角，但牛角又多人又俾金卡搶曬啲位，有時真係幾冇癮🥲。見到原來牛大人集團開咗一個新燒肉brand，就一於去試吓會唔會挑戰到牛角嘅地位🐮。安平燒肉只有兩家分店🏬，我哋今次去旺角果間。裝修來講，餐廳裏面嘅間隔尚算寬躺💡，唔會話太迫，而裝修尚算新淨，地下都唔會好似其他燒肉舖咁黐立立，first impression睇落幾唔錯😂食物我哋揀咗M5和牛吃到飽（$398），加埋一四百零蚊，用storellet app有九折🤑，折返就$400多少少，價錢都唔算太貴😌。叫得M5餐，當然有澳洲M5和牛🐮，唔止肉質鮮嫩🥩，仲要入口即溶，非常好味😋。除咗有M5和牛，仲有多種唔同嘅海鮮🐟。我自己最鍾意就係虎蝦，非常新鮮，燒起上嚟又香口又爽口🥰。總結黎講，性價比極高，超級推薦🥰。