一入座張枱就已經有啲日式小菜俾我地醫住肚先，真係好貼心
服務都好好🤤，仲有唔同嘅醬油，好方便食客😍。
第一樣來的是刺身，刺身幾新鮮，唔會有咩腥味，啲北寄貝幾爽口，不得不讚嘅係個三文魚，真係好好食❤
之後就係炭燒食物嘅部分！個生蠔真係好正，用左白汁嘅調味～仲有啲配料！之後就有牛舌都好好食，用胡椒七味粉調味真係好正，啲牛舌咬落好淋好好味，好鮮牛肉味！
仲有個燒菠蘿🍍，係用左焦糖燒，真係甜到入心咁正！😆
而且店入面仲有好多唔同嘅飲品俾我地自取～有啤酒 汽水 茶 等等，真係講得出想飲咩都有😆正正！
仲有壓軸嘅就係甜品啦，有啫哩蛋糕 朱古力心太軟等等，多到揀唔落手，仲好高質添，啲賣相都好高級，好似嘗試緊異國嘅食物❤
個價錢都好合理，同埋個服務質素都幾好，就算漏左單，只要同佢講番都會即刻跟番，仲好貼心同有禮貌😍下次都會推薦朋友再一齊食呢間店❤食過番尋味😆😆
