Video
Read full review
2019-02-11
145 views
今日係尖沙咀同阿妹去左平時唔多去嘅太空館，之後就係尖沙咀九龍公園一帶游走兼覓食。行經山林道時見到一棟特別新同高嘅商廈叫「銀座」，竟然見到之前朋友講過係旺角食嘅「吞POT」，聽講好好食嘅花膠雞煲，就上左去食。「吞POT」嘅招牌雞煲全部都好吸引，有好養生嘅花雕藥膳同滋補螺片花膠雞煲，亦都有好邪惡嘅辣酒花螺同重慶麻辣雞煲。我身為食辣鬼當然好想食後者，但係前兩日都食左辣嘢都係滋補養生下好啲，所以就揀左朋友讚嘅滋補螺片花膠雞煲。雞煲半隻$198，全隻$288，較其他貴少少，我地兩人食就叫左半隻。嘩！好好食！螺片花膠雞煲味道好濃郁，乳白色嘅花膠成層、份量充足，雞湯十分新鮮入味，鹹度同油量都好適中。雞肉新鮮滑嫩，每舊都係啖啖肉，好好味。如果鍾意飲湯嘅各位記得飲多幾多幾啖先好比職員加豬骨湯開始打邊爐，咪係就會溝稀哂唔同味。之後打邊爐我地叫左牛柳粒，好好食，肉質鮮嫩有嚼勁，牛味濃郁。仲有「十全大寶丸」！佢擺得好得意同精緻，每對同類嘅手打丸就用相同顏色嘅耳仔碗裝住。然後我地食每一粒都一齊估下佢係邊款丸，好有驚喜！手打丸粒粒新鮮煙韌，其中黑松露墨魚丸同芝心牛丸味道濃烈。仲有「自創爆芝響鈴」，好好食！比起平時
「吞POT」嘅招牌雞煲全部都好吸引，有好養生嘅花雕藥膳同滋補螺片花膠雞煲，亦都有好邪惡嘅辣酒花螺同重慶麻辣雞煲。我身為食辣鬼當然好想食後者，但係前兩日都食左辣嘢都係滋補養生下好啲，所以就揀左朋友讚嘅滋補螺片花膠雞煲。雞煲半隻$198，全隻$288，較其他貴少少，我地兩人食就叫左半隻。
嘩！好好食！螺片花膠雞煲味道好濃郁，乳白色嘅花膠成層、份量充足，雞湯十分新鮮入味，鹹度同油量都好適中。雞肉新鮮滑嫩，每舊都係啖啖肉，好好味。如果鍾意飲湯嘅各位記得飲多幾多幾啖先好比職員加豬骨湯開始打邊爐，咪係就會溝稀哂唔同味。
之後打邊爐我地叫左牛柳粒，好好食，肉質鮮嫩有嚼勁，牛味濃郁。
仲有「十全大寶丸」！佢擺得好得意同精緻，每對同類嘅手打丸就用相同顏色嘅耳仔碗裝住。然後我地食每一粒都一齊估下佢係邊款丸，好有驚喜！手打丸粒粒新鮮煙韌，其中黑松露墨魚丸同芝心牛丸味道濃烈。
仲有「自創爆芝響鈴」，好好食！比起平時嘅響鈴厚同更有咬口，最特別係個芝士味同味道濃厚嘅腐竹十分夾。
Post
