友利坊 x 友利冰室 x 勿當奴 (Closed)

之前係荔枝角D2 Place都有幫襯過友利冰室，因為選擇多、中西合璧咩都有得食、地方企利，係非一般嘅茶記🌟而且佢啲燒味係自家製，之前食開乳豬carbonara好食，今次經開太子就去醫肚🥳🍅鮮茄焗豬扒飯真係用鮮茄做茄醬，酸甜味平衡得好好豬扒，肉質唔會太嚡，係炒飯底，成個配搭都好好食，而且份量大。🍀招牌爆谷燒鵝俾咗燒鵝髀俾我，有少少柴火嘅香味，鵝肉個味教得好好。🍗焗香辣雞翼兩隻呢個都有少少辣，因為係焗嘅所以冇乜油。🍄蒜蓉牛油炒雜菌好香嘅蒜蓉牛油味，入面有三種唔同種類嘅菇，估唔到雜菌都份量好多，食唔晒🙈🍎自家製蘋果伯爵茶我覺得呢個好解渴好好飲，有好香伯爵茶味，一啲都唔甜。