小神燈新派飯館 (Closed)

估唔到調景嶺有問咁靚既裝修既餐廳，每次行過都比佢門面吸引到。一去到待應問我哋試唔試吓<我不是茅台>($118)，原來係一個湯，係豬肺湯，賣相都幾得意，一支大約有4碗左右，啲料都好足。我再加咗幾個餸同小食，頭先叫咗兩個小食，呢個叫做<酸微微開胃燻蹄>($68)，果汁真係好好食，唔會太酸，又非常之容易入口。另一個係<脆皮嫩滑鴨紅>($88)份量非常之充足，不過我就覺得個脆皮比較厚，但係鴨紅係非常之好食，我呢個係第一次食過最得意嘅小食。有一個1/4既<黑松露玻璃燒鵝> ($228) 因為本人好鍾意食黑松露，成隻燒鵝都好有黑松露味，唔會比啲燒鵝汁蓋過咗，好香脆，又唔係太油，唔錯。<鹹魚茸煎肉餅>($98)肉餅嘅份量都夠四個人食嘅，size可以大概兩至三啖食完，又有鹹魚嘅香味，再加上煎完嘅香脆，肉餅嘅汁被香脆鎖住，真係非常之好食。