就是偏偏喜歡你 (Moved) New Location

餐廳：就是偏偏喜歡你地點：銅鑼灣百樂中心菜式：粉紅花花森林打卡樓上cafe餐牌：四菜套餐，午市套餐，下午茶，二人套餐，湯，沙律，小食，漢堡包，意粉，主菜，甜品，飲品。落單用手機。每人最低消費$130。用餐時間100分鐘，鳥籠90分鐘。招牌M2慢煮10小時巨豬肋骨 $328 另加一呢個招牌M2慢煮10小時巨豬肋骨寫明不用鬆肉粉。巨豬肋骨一客四大件，真係巨型，好多肉食，肉質都算嫩，好易食。個燒汁好惹味，唔會太重口味。外皮少少濃面，仲灑上三色花瓣同香草。食到白色豬軟骨，可以咬埋。下底有少少沙律菜伴車厘茄，加左大量胡麻醬。仲有薯條，炸得好脆，可以請服務員比茄汁你點薯條。呢個主菜兩個人分剛剛好。附上膠手套，可以食到好乾淨。雪碧 $28 另加一雪碧可以揀多冰，少冰或者走冰。汽水係罐裝另上一大杯冰比你。入面果然周圍都滿佈花花，處處打卡位，入到去眼前一亮。餐具係金色，配花花餐巾。呢度都有道具可以拎住影相。入面有兩個鳥籠位，有興趣可能要預先留位。想食慶祝飯需要幫手影相可以考慮呢度。