土耳其小城 (Man Cheong Building) (Closed)

約左舊朋友食晏，大家都鐘意文族野，就去左佢屋企附近一間食土耳其菜既餐廳。入面裝飾都好靚！入到去啲職員都唔係本地人，雖然講英文但全部都好nice！我地先叫左野飲，天氣實在太熱，叫左兩杯凍拉茶。拉茶有香草味，好正宗，亦都大大杯。我地叫左浮雲沙律🥗、脆皮鮮奶卷、南印度馬薩拉雞配印度簿餅同咖哩角。沙律有滿滿既dressing，有少見既酸瓜，好醒胃。咖哩角比想像中大，入面係薯仔+香料，所以都飽肚！南印度馬薩拉雞配印度簿餅好香好好食，個雞有少少辣，好在有拉茶解返（我本身唔太食得辣）。我最鐘意係個鮮奶卷，甜甜地又炸得好香口，又未至於炸鮮奶咁甜，推薦👍🏻哩道既食物好正宗，出面都少見，啲店員仲好nice，見我地食唔晒會主動問打唔打包。