Video
Read full review
2025-03-26
758 views
近排嘅熱門話題一定有餃子！之前save低咗呢間好味餃子，今日終於有機會嚟葵芳試下，睇下係咪真係咁「好味」！🥟 湯餃雙拼（10隻 $49）湯底係野葛菜生魚豬骨湯，飲落完全無味精，清甜不過鹹，絕對係今餐嘅亮點。餃子份量大，皮比較薄同偏腍，其中一隻仲穿咗皮。 • 雲耳椰菜肉餃 🥬椰菜超爽脆，食得出用料靚，調味平衡，保留到蔬菜本身嘅甜味。不過豬肉味較淡，整體比較清新。 • 韭菜肉餃 🧄正常發揮，韭菜比豬肉多，唔錯但無特別驚喜。🥟 煎餃雙拼（6隻 $39）佢哋嘅煎餃做法幾特別，唔係包實，而係冚埋塊皮直接煎，煎得唔會太油，咬落個皮有少少煙韌，焦香適中唔會燶。不過相比湯餃，煎餃體積較細，餡料相對少啲。 • 甘筍沙葛肉餃 🥕市面少見呢款餡料，食落超爽口，脆卜卜，好有驚喜！ • 粟米肉餃 🌽粟米甜度高，咬落 juicy，有層次感。個人覺得佢哋嘅湯底比一般餃子店更出色，會想為咗個湯再訪！餃子餡料靚，調味適中，不過餃子皮偏薄同腍，未必人人都鐘意。整體值得一試，特別推薦湯餃！
🥟 湯餃雙拼（10隻 $49）
湯底係野葛菜生魚豬骨湯，飲落完全無味精，清甜不過鹹，絕對係今餐嘅亮點。餃子份量大，皮比較薄同偏腍，其中一隻仲穿咗皮。
• 雲耳椰菜肉餃 🥬
椰菜超爽脆，食得出用料靚，調味平衡，保留到蔬菜本身嘅甜味。不過豬肉味較淡，整體比較清新。
• 韭菜肉餃 🧄
正常發揮，韭菜比豬肉多，唔錯但無特別驚喜。
🥟 煎餃雙拼（6隻 $39）佢哋嘅煎餃做法幾特別，唔係包實，而係冚埋塊皮直接煎，煎得唔會太油，咬落個皮有少少煙韌，焦香適中唔會燶。不過相比湯餃，煎餃體積較細，餡料相對少啲。
• 甘筍沙葛肉餃 🥕
市面少見呢款餡料，食落超爽口，脆卜卜，好有驚喜！
• 粟米肉餃 🌽
粟米甜度高，咬落 juicy，有層次感。
個人覺得佢哋嘅湯底比一般餃子店更出色，會想為咗個湯再訪！餃子餡料靚，調味適中，不過餃子皮偏薄同腍，未必人人都鐘意。整體值得一試，特別推薦湯餃！
Post
