疫情禁晚市堂食，所以唯有下午去。我地諗住食lunch 加tea, 所以2點幾到。黎到門口其實都有幾個人等緊，以為入面好full, 原來只係海景位full。開頭安排我地坐入面靠牆，食完餐包海景雅座有位，所以侍應安排左我地搬位！
海景位光線好好多，無敵海景，high tea 食物打咭一流！但海景位只有4張靠窗枱，而且前一日打去問話冇得揀位，真係疫情少左人先咁好彩坐到！
望住西九龍無敵海景，天氣好心情好！
餐廳內相對暗少少及冷氣凍少少...
餐包仲暖唔錯！
點餐加$38可以配田園沙律，疏菜幾新鮮！
杯熱情果茶賣相吸引！😌
點左阿根廷肉眼牛扒配薯菜及燒汁 $178，賣相吸引，而且肉質嫩滑，好味！
再點左炸魚薯條伴青豆蓉$98，薯條炸到好脆，炸魚層皮硬左少少，如果可以鬆化d 更好！青豆蓉幾清新，幾乎食晒！😌
再點左黑松露新豬肉野菌寬帶麵 $108。第一次食新豬肉，口感得確好似豬肉，但冇咁重豬味！
生日點都要有件cake, 點左藍莓芝士蛋糕，餐飲點杯咖啡！本身個人好鍾意食芝士蛋糕，但呢件硬左少少，如果可以軟身返少少更好！🎂
