食之劇場喺白沙灣碼頭酒店入面，冇車朋友都可以搭巴士/小巴喺白沙灣站落，行過黎都係3分鐘。
餐廳就對正白沙灣。
店面空間感十足，除左有曲尺形壽司吧枱之外，仲有幾個廂房。
如果想睇倒醉人日落，最好就坐返吧枱。
白神山地之水($58/樽) - 食之劇場嘅飲用水、煎茶全部都係用白神山地之水，佢係由白神山嘅雨水，雜質都被森林入面嘅土壤過慮而得黎純淨水，咁犀利我地就點黎試下，飲落味道確係比較冰涼同甘甜。
食之劇場嘅廚師發辦分左四個價位，我地點左最平嘅套餐—雲($980/位)，佢包左前菜、刺身、燒物、煮物、湯同甜品。
前菜 - 前菜有四款，可以先食左邊嘅鯛魚白子，佢浸喺酸汁入面，好開胃完全唔腥。之後可以食上面嘅昆布鮑魚，鮑魚彈口得反唔會太韌。再之後就可以食右邊嘅蓮藕拌蟹肉，師傅將蓮藕磨成蓉，再拌埋蟹肉，味道非常清新。最後就可以食下面嘅磯粒貝，粒貝已經預先起肉，所以就咁拎起就食得。旁邊嘅係柚子番茄。
1
刺身 - 刺身有四款，右上方係小樽產嘅八爪魚，有咬口又唔會又韌。前面係北海道產嘅帆立貝，非常厚切口感微彈。左前方係吞拿魚醬油漬，口感油潤唔會太鹹，有啲似食煙三文魚。左後面係拖羅，入口即融完全冇筋。
燒喜之次 - 食完前菜同刺身就到燒物，師傅喺燒喜之次上面淋左菊花茨汁，旁邊係蘿蔔。喜之次魚肉扎實，蘿蔔好腍完全冇渣。
清湯真蠔 - 清湯顏色清澈，完全冇油，好鮮甜蠔味，入面有三大隻真蠔，真蠔非常厚肉，唔會煮到過熟，食時可以蘸埋旁邊嘅酸汁食。
立魚清湯 - 用左白神山水煮嘅清湯 ，另外仲加左清酒同檸檬汁，飲落去帶少少酸味，幾得意。
除左立魚，仲有厚揚同菇。
甜品 - 係靜岡蜜瓜同胡麻Tiramisu，蜜瓜好腍好清甜，Tiramisu唔會太乾，都食倒胡麻味。
總結，質素唔錯，最正係可以一邊睇住日落/晚霞一邊食，帶另一半黎一定有驚喜，以最平人均消費唔洗一千就可以食倒，交足功課。
