姚姚酸菜魚 (青衣城1) (Closed)

近排天氣開始涼，就去咗食熱辣辣嘅酸菜魚。估唔到依家仲有酸菜魚拼北京烤鴨嘅神仙組合套餐優惠，雙人套餐($338)已經有齊酸菜魚、北京烤鴨同椒鹽鴨架做小食都算幾抵食。姚姚酸菜魚(精裝版)雙人套餐嘅酸菜魚係精裝版，但絕對夠兩個人食，金黃嘅湯頭酸香鮮味，而且可以自選酸、麻、辣度。魚片嫩滑冇骨，吸收哂湯底嘅精華。片皮鴨(半隻)片皮鴨烤到皮脆肉嫩，咬落去有啖啖鴨油鴨汁爆出，有濃郁鴨香。包片皮鴨嘅餅皮做得出色，簿簿一片，包住鴨皮、鴨肉、青瓜、蔥等配料同醬汁食，夠哂滋味。川味鴨架小食嘅鴨架雖然冇咩肉，但醬汁麻、香、辣俱全，川味十足。麻辣小龍蝦 $288我哋另外仲叫咗碟麻辣小龍蝦過吓辣癮。一碟都有十幾隻小龍蝦，隻隻口感爽彈。小龍蝦鮮味十足，有濃郁嘅龍蝦香，加上麻辣醬汁，夠哂惹味。。。姚姚酸菜魚 (青衣城1) (青衣)青衣青敬路31-33號青衣城1地下G01號舖。。