佐賀山田 (Closed)

估唔到青衣呢個美食沙漠都有燒肉放題，當然要一試究竟啦!餐廳位於青衣城，好易搵到，來到餐廳內外裝修環境都好有日式風格，可以一解想鄉愁。入面大致分為兩邊，一邊火鍋一邊燒肉，我地見到雪櫃咁多和牛所以今晚選擇左燒肉。一坐底店員就奉上一碟出煙嘅牛，上面都牌說明牛肉部位。最正梗係佐賀A4牛肋肉粒同佐賀A4牛肋肉粒片啦。話晒都A4和牛，肉紋充滿雪花食落有油香唔使講，牛肉又嫩滑真係想食多塊，可惜我地個餐只係少少。不過唔怕，仲有好多好多牛肉等緊我地，我特別鐘意鹽醬SRF牛板腱，食到停唔到口。除左牛之外，餐廳仲有好多食品供應，海鮮有牛油廣島蠔同牛油帶子，仲有係平時比較少見嘅🦀🦀甲羅燒，真係回哂本。骨付腸肉味香濃又多汁，非常推薦!(好食到唔記得影)仲有華味鳥雞肉丸、BB露筍、章魚燒等等出面少有嘅食物。🧃🥤☕️🍵如果口渴想飲野，出面超級多飲品任君選擇，其中特別推薦呢罐韓國青梅汁，酸甜解渴十分開胃!🍧🍨🍦食到尾仲有甜品，竟然有明治雪條，藍梅乳酪雪條超級正!!下次試完火鍋再寫食評。