同阿女玩左一日，很累，去到青衣城見餐廳唔使等就入去試吓，明白何謂一分錢一分貨...
叫左一客吉列蠔，好有吉列feel，入口感覺唔到有蠔......20蚊貨仔，算
滑蛋豬扒飯，上枱後發現乾淨淨，原來枱上有吉列汁 (第一次發現個汁係自己上，都幾得意，適合唔同人口味)，雖然都真係用珍珠米，但豬扒無豬味，38蚊，算 (話哂青衣城，租金唔平)
海鮮牛乳烏冬，北海道牛乳，味道唔錯，烏冬入口滑溜溜，彈牙好味，52蚊，可接受 (因隻蝦唔得扣少少分)
忌廉鮮奶，傳統香港飲品唔係話轉用北海道牛奶就一定好味D (其實算幾好味) 不過都係用“銀蓋”鮮奶最正 (純粹感情分)
問心係青衣城百二蚊食晚餐真係算平，所以唔要求太多......
環境，衛生有保証，但服務就一般，唔係話服務員唔好，但唔夠服務員可以點呢?
