華鳥居 (Closed)

是日行經青衣城，未有idea諗食咩，見到華鳥居就決定試下佢。叫得華鳥居，應該都係雞會出名啲啦，叫左慢煮華味鳥雞胸沙律，雖然係雞胸肉，但無想像中甘鞋拾拾。牛油果軟殼蟹卷：牛油果新鮮夠香，軟殼蟹脆卜卜，yummy!赤身刺身：新鮮，無挑剔。三文魚親子丼：一樣新鮮，三文魚味重。豚肉豆苗卷：個人推介嘅串燒，出邊好多都係豚肉加蘆筍，而呢度用豆苗，口感都唔錯，幾fresh!野菜天婦羅：剛新鮮炸起，熱辣辣又脆卜卜。鹽燒鯖魚：都幾大條，唔腥，唔錯呀！血池叉燒拉麵：湯式好濃郁，鹹味適中，雖然係血池，但不會太嗆，幾岩口味。