Mee...lemongrass (Closed)

【軟殼蟹紙米卷】$68，只有6件，多菜少料。軟殼蟹炸得外脆內軟，仲好酥香，蔬菜新鮮好爽口，又中和炸物的油膩，沾甜辣醬更正，味道不錯。【招牌無骨海南雞飯】$80，有飯、湯、菜同海南雞，整個套餐都好大份抵食，菜芯煮得剛好，仲好甜。油飯香軟鬆糯，吸哂雞味，超大碗夠兩人食。主角海南雞都夠嫩滑，雞皮偏厚但爽口。【肉骨茶】$86，好濃郁藥材味，飲完好暖胃又舒服，排骨啖啖肉，肉質鬆化易咬，味道幾重，豆卜吸哂湯汁味。環境較嘈雜，而且太多客人，繁忙時需搭枱，上菜雖快，但漏單。