樂天皇朝 (青衣城1)

Open Now

Now Closed

❣️青衣城特色東北菜館樂天皇朝❣️今次同爸爸去咗樂天皇朝食晚飯，佢哋嘅小籠包號稱「世界第一」🌟仲有好多改良版中菜！ 果然名不虛傳，尤其小籠包真係無得彈，其他菜式亦高水準，將傳統中菜改良得精緻得嚟唔失風味😋💜軟糯滷栗子花生一坐低就送咗碟滷栗子花生，暖笠笠幾開胃！栗子煮到淋哂，滷水味甜甜哋，唔會死鹹，食到停唔到口！ 💜鎮店之寶🌟原味黑豚肉小籠包主角登場！一籠6粒！皮薄到透光，夾起嚟仲見到入面啲湯汁喺度搖下搖下，輕輕咬開個小口，啲湯「吱」出嚟，鮮甜到不得了，黑豚肉餡又香又滑，完全冇豬騷味。老實講，食過咁多間小籠包，呢度真係數一數二，難怪咁多人話佢「世界級」！ 💜上海黑豚肉生煎包生煎包底煎到金黃脆口，咬落去「咔嚓」一聲，上層皮鬆軟，黑豚肉餡同小籠包一樣咁正！💜糖醋魚片魚片炸得外脆內嫩，醬汁酸甜適中，唔會太嗆喉，仲有啲菠蘿粒增加口感💜成都口水雞雞肉嫩滑，麻辣醬汁香得嚟唔會死辣，仲有啲花生碎同蔥花提香，食到嘴脣痺痺哋好過癮，夠晒川味！