青悅 (Closed)

睇完戲［水行俠］，本想食新開的天丼，但8:45已cut人龍，所以轉去食泰菜，唔使排隊好快入座，較成熟的職員都服務有禮，安排很好，新人的年青人卻服務較差，連放下食物都令人感到冒犯，希望好好改善。【燒牛肉芒果沙律】，燒牛肉味道濃郁好惹味，邊位香口，肉質嫩又juicy，配完熟甜芒果，味道好夾，沙律汁酸酸甜甜開胃醒神，好食【泰式魷魚粒炸蝦餅】 好厚身都夠大件，啖啖蝦肉，加左魷魚粒多左咬口，連同蝦肉一樣彈牙，炸得唔乾仲夠哂熱辣辣，點甜辣醬仲好味。【豬頸肉紙米卷】 其實同沙律差唔多，只係用紙米卷起所有食材，食得方便，一定要沾酸甜汁先有味，豬頸肉唔膩仲好爽口，夾埋蔬菜食更清新。【原個椰青海鮮焗飯】 ，多數都見菠蘿焗飯，較少有椰青焗飯，所以要點呢個食下，好香椰汁椰奶味，海鮮料好豐富，有蝦、魷魚、青口、帶子.....仲要用蛋炒左飯，再拌海鮮炒熟，放入椰青焗香，步驟較多，係好味d【香茅奶蓋紅茶奶茶】 而家周圍都係台式飲品，奶蓋奶茶飲慣，呢度加入泰式元素，奶蓋有香茅獨有清香，令奶茶唔膩，奶茶微甜香滑有奶味，好好飲，亦好抵飲。