點咗佢哋嘅壽喜燒鍋御膳
小食選擇有刺身或者炸雞，我選咗刺身，果然冇令我失望。刺身份量唔少，搭配少許醬油鮮嫩完全帶出海鮮嘅鮮味
主菜方面，我揀咗熊本縣產黑毛和牛。雖然係套餐中最平價，但肉質好到令我驚喜。牛肉切得薄薄一片，煮熟時散發出一股誘人的香味，肉質鮮嫩多汁，咬下去感受到肉汁，再加上壽喜燒醬汁的甜味，令整個鍋嘅風味更加豐富。
除了主菜，套餐仲包括飯、湯同埋一隻溫泉蛋。飯粒鬆軟，配合壽喜燒的湯汁，簡直係一絕。湯清淡卻有層次感，令人感覺好舒服；而溫泉蛋的滑嫩口感，正好中和了肉的油膩感，令整個用餐體驗更加完整。
雖然依家最出名嘅係九宮格二人前，但對於只想食少少嘢嘅朋友，呢個壽喜燒鍋御膳真係一個好選擇。整體而言，味道絕對值得推薦，無論係想同朋友分享定係一個人享受，都非常合適！下次再嚟定要試下其他菜式！
