青花亭 (Closed)

今日黎太子食一間好靚好文青feel既西餐🤤 叫得青花亭，有好多青花瓷既裝飾，餐具都用上咗青花瓷嘅圖案。順帶一提，餐廳位置有啲啲難搵，因為行到去鋪頭面前，都發現呢間係一間餐廳🤣 真係要跟住google map慢慢行💡入到去已經有好多抗爭文宣，好有feel☺️我地一行四人，叫左個「斧頭扒」，個醬汁甜甜地幾特別，個扒亦好入味，食落去好軟腍。😝鮮帶子蜜糖芥末意大利飯，第一次食呢隻醬汁既意大利飯，好開胃，一啲都唔膩，個飯粒粒分明仲好好咬，鮮帶子大大粒😋明太子三文魚籽貓耳朵，好耐冇食過貓耳朵，係細粒既意粉仔，個汁好濃烈好creamy☺️ 價錢方面都係百幾蚊一個set，個主菜份量算適中，仲包埋餐湯同飲品，都算合理👍🏻 最緊要係黃到爆🙌 dinner時段都幾多人，要book定位呀！