斑蘭

Open Now

Now Closed

最近去圓方，就知道新開咗呢間餐廳，於是就試吓，入面嘅座位都相當闊落，坐得舒服我哋簡單叫咗一個牛肋骨，真係成條骨上俾我哋，隔離就係比較肥美嘅牛肉，一路咬啲油脂就會出晒嚟，另外配嘅汁亦都喺出面比較少食到，用咗蕃茄同埋洋蔥調味，所以食落會比較酸甜，可以中和到牛肉嘅膩感。亦都有配一個用黑醋汁點綴嘅沙律，相當清新。試埋個青咖喱軟殼蟹青咖喱夠晒辣，夠晒我哋過口癮，呢種辣味係會不停咁疊加，所以唔食得辣嘅朋友就要小心。咖喱入面亦都有少量蔬菜，至於軟殼蟹都係比較脆身，一共有兩隻，另外仲有兩塊煎咗嘅檬粉，我哋覺得打碎咗佢之後配埋咖喱一齊食係好好味，仍然會有脆口嘅感覺