Woodsage

Open Now

Now Closed

見到Facebook有group 友話呢間好食，放假即刻嚟朝聖，午餐試咗一個青咖喱吉列豬扒飯，賣相幾好，亦有唔少錯配菜，分別有粟米芯，番茄仔，茄子，有少少香葉，青咖喱汁夠撈晒成碗飯，青咖喱唔太辣，味道唔錯。另外試咗個漢堡包拼薯條，漢堡包係黑色，我估應該加咗墨魚汁，入面塊漢堡應該係手打，夠厚亦都幾Juicy。奶蓋泰式奶茶唔太甜，茶味幾出。幾好飲。店內裝修走文青路線，以木色為主，環境幾舒服，牆身油左水泥，用嚟做背景影食物相一流。每次有客人走，店員都即刻抹枱，亦都抺得幾仔細，今時今日呢個步驟，即刻食得安心啲。服務態度好好，店員好友善，環境走文青工業風，坐位舒適度一般。