我愛慢煮 (Closed)

新界人過海，一時間諗唔到食咩，係灣仔見到商業大廈有一個搶眼招牌吸引🤩我目光：我愛慢煮。餐廳以露營風🏕️為主題，燈光加上空間感十足，真係真心舒服😌日式燒牛肉他他沙律 $108新鮮沙律菜配上溫泉蛋，流心蛋醬代沙律醬更健康清新。牛肉輕微燒熟表面，入口非常嫩滑，皮脆焦香。推介作為前菜👍🏻炸薯條併蕃薯條配黑松露醬 $78即叫即炸，上枱熱辣辣🥰炸薯條鬆脆而內裡粉軟。炸番薯條香甜，配上黑松露醬，食唔停口😌法式油封鴨腿 $98鴨腿有兩件，一點都唔覺油膩，先油封慢煮再煎香，皮肉之間零脂肪，撕開肉汁豐富，啖啖肉😋美式蜜糖芥末豬仔髀 $118/4件豬髀用長時間慢煮，不失嫩滑，用上燒烤汁焗製，好惹味😘有蜜糖芥末平衡口感，好Juice ！橘子呍呢拿雪糕梳打 $48梳打配雪糕，清涼感倍增，🌞天氣咁熱，點一杯最爽😎香茅檸檬啤酒 $58好有泰式feel 嘅啤酒，味道特別，可以一試😇餐廳肉類太部份係慢煮，所以食到嫩滑多汁，價錢亦大眾化，值得再嚟！