野玩山店 (Closed)

灣仔呢間餐廳主題夠哂特別，用露營為主題。餐廳佈置全部同露營有關，最特別既係有個帳篷係店入面。環境都幾清靜幾有格調，岩兩個人靜靜地食飯又岩一大班人。香脆雞翼配藍芝士 ($88)呢度既雞翼好特別，唔係平時食既樣，係單骨雞骨咁。表面沾上辣醬，味道惹味，但肉質略為鞋口，唔夠滑嫩；配上既藍芝士鹹香惹味，點雞翼食一流。野火香烤牛仔骨 16oz ($238)充滿露營風味既炸牛仔骨，牛仔骨烤得炭味香濃，微微既焦香非常惹味；肉質有嚼頭，啖啖肉好正。松露野菌湯 ($58)野菌湯加上忌廉，煮得滑溜香口；加上松露，令野菌香味更出眾。墨魚汁意大利飯 ($128)墨汁味道香濃，中和平時食risotto咁重忌廉既膩感。不過飯略嫌煮得太林身。Loverly Somersby ($98)大大杯既紅桑莓沙冰，冰涼又香甜，加上Apple Cider一陣清新既蘋果梳打酒，份量好大share岩哂。order兩杯仲會送Somersby變色杯添。