串點 (Closed)

長沙灣呢一間串燒小店以露營為主題，雖然位置唔係係最熱鬧路段，但門口擺放兩張camp chair，好有辨識度！整間餐廳以木調為主，入面有兩張高枱，其他位都係以露營用品為主，好有特色。 龍蝦沙律嗌咗龍蝦沙律做前菜，估唔到入面龍蝦肉大大舊，調味適中，仲有幾塊紫菜同青瓜可以一齊食，有唔同口感雞肉丸子、雞軟骨、雞肉幾串雞串燒各有特色雞肉丸子肉質軟稔，醬汁比較濃稠，配埋較淡味既丸子味道剛好。雞軟骨正常發揮，最鍾意呢d只用鹽簡單調味既鹹香🤤 雞肉就比較有咬口，但唔怕燒得乾身，鎖得住肉汁。黑松露忌廉海鮮湯烏冬烏冬口感彈牙掛湯力強，黑松露忌廉與其話湯更加似醬汁，每一啖都係濃厚忌廉香，撈埋一粒粒海鮮食口感好豐富，好味！