Amusement Eatery (Closed)

近期ig經常都見到呢間南美菜餐廳，型格嘅裝潢配上特色嘅霓虹燈，感覺相當有型，趁住Happy Friday一於黎chill下。餐廳位於長沙灣街角，可以選擇室外或室內座位，由於天氣實在太熱，我地都係揀咗坐室內，可以喺靚靚嘅裝潢下慢慢嘆過late lunch。是日餐湯係薯仔湯，入口香滑之餘亦食到細細嘅薯粒，味道啱啱好。北海道帶子&三文魚子&海鮮配墨魚汁意粉 : 呢度嘅手工意粉係餐廳主打之一，咁又點可以唔試下呢？意粉上鋪上大大粒嘅帶子及青口，碟邊以三文魚子就點綴，賣相非常吸引。意粉入口彈牙，有滿滿嘅墨魚汁味，帶子微煎過後香口鮮嫩，配埋鹹鹹地嘅三文魚子，味道更有層次。北京烤鴨批薩 : 以中式嘅北京烤鴨配上西式嘅批薩，配搭非常有特色；批薩面頭鋪上烤鴨、京蔥絲及青瓜，入口味道完全好似食緊北京填鴨，將傳統嘅烤餅換成鬆脆嘅批薩，感覺好新穎。最後嘆返杯靚靚拉花嘅Cappuccino，享受一個舒適悠閒嘅下午。