大叻越南牛肉粉餐廳 (通菜街)

Open Now

Now Closed

第一次黎，俾個份量嚇親，一個女仔黎真係會食唔哂。散叫的話，大約40幾都會有。今晚叫左一個晚市套餐，都只係$55。加埋一都係$61。真係抵食夾大件。晚飯一人餐可以叫個粉或者飯，另送你2條春卷，同一杯嘢飲。今晚試左香矛豬扒飯套餐。份嘢食黎到我真係眼都突埋。目測有2碗飯，同10條切好既豬扒。豬扒下面晾左一堆椰菜。睇下d豬扒幾震撼。豬扒煎得好juicy, 香矛味唔算好重，不過用左都幾多糖去醃肉。所以味道偏甜。飯上面仲有d 鹹鹹哋嘅薑蔥。真係 鹹又得甜又得，得左! 哩個飯。男人食完都飽哂。飲埋杯檸水，真係飽到上心口。