友情歲月古惑仔漫畫主題冰室 (Closed)

新開無耐，之前疫情裝修好都唔開住，而家開左當然要黎打卡。不過都係食嘢嘅。佢個朱古力真心夠濃嘅，正。個炸鮮奶好普通，不過個皮都叫夠薄嘅，個魚柳都ok幾鮮脆。雞扒炒蛋同多士，味道其實好普通，但佢整到個樣都幾有class咁，再加幾條沙律菜，又好似再高級左少少。不過我唸黎呢到，重點係打卡同懷念下友情歲月套戲，同一班古惑仔吧！樓下一入到黎，已有大大個打卡位。上樓梯，條樓梯D畫先正。座低連張枱都有畫，感覺好好feel，鍾意睇電影嘅，總要去睇一次。佢地班侍應件衫，有唔同角色名，隻字整得好靚，點解佢唔賣埋衫呢！唯一係貴左少少，當食裝修囉。