自家燒吧 (Closed)

11月天氣涼返啲，bbq癮又開始嚟料， 喺飲食雜誌見到觀塘工廈開咗間電動串燒餐廳，心旭旭想試下，餐廳裝修帶輕微工業風，配合新潮又有趣嘅電動串燒機，食得夠過癮。灰白色的水泥牆掛上三個大相架，入面有好多食客同餐廳職員嘅互動，留咗好多美好嘅回憶喺度，個個都笑住咁樣走。自家至尊海鮮船（二人前）$438 海鮮船有19款串燒物， 有豬腩肉、雞翼、帶子、粟米、棉花糖、翠玉瓜、冬菇、白鱔、海蝦、豚肉串、菠蘿等等，總共有成38串，我哋都食唔曬咁多。燒烤嘅過程就好似玩遊戲機一樣，夠曬動感。鮮菠蘿泰式炒飯， 食咗咁多串燒當然要食啲夠飽足感嘅炒飯喇，香口又惹味。餐廳做緊promotion，食滿600蚊就可以用優惠價五蚊一隻生蠔，任叫任食，我哋當然唔執輸叫咗半打蒜蓉焗生蠔。蒜蓉燒茄子，蒜蓉粒切得好靚，大量嘅蒜蓉粒鋪滿喺茄子上面，淨係講個賣相都夠曬靚，黃色加紫色，夠曬色彩繽紛。最後飲番杯芒果沙冰解解渴。