Mr. Ray Seafood Restaurant (Closed)

因為家住附近, 皮蛋同豆腐又在九龍城出沒了. 平時成日都慣左行去南角道九龍城方向嘅右邊, 即係街市, 獅子石道果邊, 今次就行下過去另一邊睇下有咩好野食. 行行下皮蛋話食海鮮都好, 第一時間就唸起竹園, 因為之前食過d套餐可以有2人份量. 不過皮蛋話search下d未食過嘅餐廳, openrice 見到附近有呢間d comments 都唔錯, 行到去門口見到好多疑似係老闆同d明星嘅合照, 就試下啦.

皮蛋同豆腐無咩唔食, 就叫老闆recommend d招牌菜. 果個唔知老闆定侍應話人人去都主要會食果幾款招牌菜, 最後我地order左:

銀山火焰桶蠔 (HKD288)

銀山火焰桶蠔

$288

火焰桶蠔幾有gimmick, 我見枱枱都有叫咁滯. 桶蠔好肥美好大隻, 一煲大約有8隻, 砵酒香味濃郁, 熟度剛好, 入口嫩滑, 洋蔥一樣入味.

椒鹽瀨尿蝦 (HKD180*2)

1

椒鹽瀨尿蝦

$180

瀨尿蝦仲大隻過d龍蝦, 香港唔係周圍都有得食. 我上次食咁大隻瀨尿蝦係喺澳門嘅豐順, 果度嘅同呢度嘅差唔多大, 不過果邊斷斤秤, 一隻要近HKD300, 呢度特大嘅都係HKD180一隻, 抵食~!! 呢度一隻瀨尿蝦切開左頭中尾三份, 雖然相信椒鹽整的話其實切開會入面d, 不過如果下次去, 我會想好似喺豐順咁食叫佢唔好切開, 成隻食 =) 瀨尿蝦本身新鮮, 多肉, 彈牙. 而家唔駛去到澳門或者香港其他地方都食到, 太好喇 ^^

籠仔荷葉花雕蒸刀貝 (HKD198)

籠仔荷葉花雕蒸刀貝

$198

刀貝跟花雕味很相配, 放進口再有淡淡的荷葉味滲出來, 這個煮法我是挺喜歡的. 刀貝踉桶蠔一樣佷肥美, 熟度亦剛好.

立體3D芥蘭 (HKD88)

立體3D芥蘭

$88

呢餐以蔬菜作結, 個芥蘭賣相很不錯, 碟的四面放上芥蘭, 中間則有肉碎和酥炸的芥蘭葉, 工夫可不少.

Overall d 食物賣相精緻, 煮法較多元化和新穎, 唔係傳統蒜蓉粉絲蒸, 鼓椒炒果d海鮮煮法. 食物新鮮, 加上廚師嘅煮法, 令每種海鮮有其他調味料的味道外亦更能帶出食物本身的鮮味.