杏甜品 (豉油街) (Closed)

食完晚飯意猶未盡，想同朋友搵個地方坐低繼續吹下水，食糖水係個不二之選。見到熟口熟面嘅almond dessert 開到黎旺角，摘日不如撞日就入去食多次。記得上次食杏仁燉蛋白印象極之深刻，啖啖都係清香嘅杏仁露，配埋滑溜嘅燉蛋白，感覺滋補到不得了，決定今次再encore 呢個，果然一如以往咁出色。朋友自稱熱底人士，凍嘅甜品就至啱佢，見到新出嘅木蓮凍就躍躍欲試，芒椰木蓮凍包羅萬有，一碗有晒芒果爽冰，芒果粒，4色小芋圓，椰果，而最重要係木蓮凍嘅質感貌似涼粉，但無左涼粉果種藥材味，配搭起材料更平易近人。Almond dessert全部甜品都食得出低糖又新鮮製作，女士食起黎都毫無負擔呢。